Soy Sauce Fried Noodles 豉油皇炒麵

有時放假只係想食下白粥,炒麵,油炸鬼, 但........究竟係我搬左所以覺得食野冇以前咁方便, 定係呢D舊式粥店已經買少見少呢? 想食,唯有靠自己啦!!! 油炸鬼就整唔到喇, 不過都可以整個新鮮炒麵伴白粥嘅!!! 準備時間: 15分鐘 烹調時間:7分鐘 1-2人份量 炒麵餅 1個 洋蔥 1/2個 芽菜 50g 韭菜 50g 薑2片 乾蔥 1粒 白芝麻 少許 汁料: 水 2湯匙 蠔油 1湯匙 生抽 1湯匙 老抽 2茶匙 糖 2茶匙 鹽1/2茶匙 準備: 1) 芽菜, 韭菜, 洋蔥切條(備用) 2) 把炒麵餅放入滾水中 ,用筷子撥鬆，撈起過冷河，瀝乾(備用) 3) 白芝麻用白鑊炒香 (備用) 4) 將所有汁料拌勻(備用) 步驟: 1) 燒熱油鑊, 分別將芽菜, 韭菜炒至微軟身,盛起備用. 2) 下油,加薑, 乾蔥炒香, 再下洋蔥炒至微軟, 3) 下炒麵餅, 與洋蔥一同炒勻, 4) 加入汁料,炒勻, 5) 加入芽菜, 韭菜畸炒即成 6) 上碟, 最後潵上白芝麻.完成.